| |
| |||||||
| منتدى الماضي والموروث الشعبي منتدى يهتم بالتراث وعادات القبائل |
 |
 |
| | LinkBack | أدوات الموضوع |
07-01-09, 02:41 PM
| #1 (permalink) |
| ㋡彡 نـاي (ف) ـرح 彡㋡
 |  ~ أغـاني أعـراس قديمـــــة ~
/ لا اله الا الله لا اله الا الله سموا عليه باســم الله لا اله الا الله حضر محــــــمد وعلي والخير لينا يعتلــــــــــــي والشر عنا ينـــــــــجلي ننخاك يا سيدي علــــــي يا مصلـــــــي القبلتين يا بو الحسن ويا الحسين عـلـــــــــــــيك بالقبلاني يا شمعة الصبيــــــــــان هذي عطايا الرازكـــين و يا مصلي الخمـــــسين يا خويتم باليـــــــــــمين و الزين يحــــــــلا للزين بالله دصلوا عالـــــــنبي رسول ربــــــــنا العربي وصلوا على المولى علي وصي الرسول الاولــــي قولوا الى المعرس هني ايبارك لك المولـى الغني زفوا المعرس هلــــهلوا والحلوة لاكت للـــــــحلو عـــريس حضروا زفته ومتباركة يــــــــــــميمته ضــــجت هلاهل عالية غالي يلاكي غـــــــــالية تحــــلا الهلاهل والنبي اجل الصبية والصـــــبي وعقب الهـلاهل فسفسة ولازم اتصير الدعفســة لا اله الا الله ________________ بان الصبح بانيه بان الصبح بان وبان وحبيبي ما بان وايه يا حبيبي كلما حبيت مليتون اوكلما طالت العشرة تغاليتون يا حبيبي دود البطيخ من لبه وضعيف البخت يبغضني وانا احبه يا اسمر اللون من قلك تجي حافي والحضن والبوس يبغي واحد شافي يا اسمر اللون من قلك تجي زعلان لي تعبت النوق زميتك على الذرعان يا اسمر اللون صايبني عليك جنون والعشق يبغي لطافه ما يريد جنون العشق لو تبتلي به ناقتي حنت ولو تبتلي به عجوز في القبر ونت ولو يبتلي به صبي خاتم القرآن همل كتابه او راح يتصوخ النسوان مرت علينا من الدولاب جنايه تسقي الحياوين واتجلب كل غنايه مرت عليتا و احنا في الحوي ننطر اوجيبها امن العنبري و الورد يقطر يم لعران الذهب يم غمسة الحنة ذبي اعرانش قتلتي اربعة منا مريت بخحويشكم وادويجكم ماصاح وابيوتكم عاليه وامسقفه بالواح لاحط جفي قفل واخنيصري مفتاح وافتح الباب الهوى او لو حتى راسي طاح والبارحة يعلم الله في الحلم جاني اخذته وبسته وضميته ابذرعاني والبارحة يعلم الله بات عندي ضيف مثل القمر لو تعلى في ليالي الصيف والبارحة بيتوني تحت سرج الخيل او ريحته يا عرب كله زباد وهيل مريت بجويريه تغسل شربيها اوديرم الحار صابغ قي اشافيها مديت ايدي الى المخبا ابعطيها قالت افلوس العشق مالي غرض فيها كمتى يغيب القمر واصعد لحبي فوق ويطيب ذاك الهوى ويطيب ذاك الشوق يمتى يغيب القمر وابنام دايتها واقبلك يا حنج واحب وجنتها واقف على السيف او يلقحني هوا الدوبي غرقان في بحركم بالبيض سبحوبي واقف على الباب وقالت زعن بابي خوفه يروعك بياض الساق وتبلابي لو كان ساقش ذهب المالجلابش ولابد ما يلتقي ساقي على ساقش والله لاحركم واخذ رجل فطوم واقعد على ركبته وافتت المشموم والله لاحركم واخذ رجل باشا واقعد على ركبته وانثر قماشه كلنا انحب الهوى وانخوض بدروبه واللي تعدى وظلم بيحصل الحوبة __________ _ وانا الوافية بالعافية يا حلوة بالعافية يادرة البحرين يالوافية نذر عليه واشهدوا ياحضور لقسم الحلوى وانا الوافية نذر عليه واشهدوا ياحضور لقسم الممروس وانا الوافية نذر عليه واشهدوا ياحضور لقسم الحنة وانا الوافية نذر عليه واشهدوا ياحضور لقسم الماورد وانا الوافية نذر عليه واشهدوا ياحضور لقسم المشموم وانا الوافية نذر عليه واشهدوا ياحضور لقسم النفور وانا الوافية نذر عليه واشهدوا ياحضور لاسوي هلاهل وانا الوافية نذر عليه واشهدوا ياحضور لارقص واصفق وانا الوافية _______________ __ انا ابنية على الميمر واعلى الميمر العين سودة والوجه قب احمر لا تضربني بالمشمر وانا ابنيه واتقشمر لا تضربني بالدفة ترى الدنيا متعلفة ال تضربني بالملفع وانا ابنية وابدلع لا تضربني بعقالك وانا ابنية وبت خالك لا تضربني بجمك وانا ابنية وبت عمك لا تضربني بالراحة وانا ابنية ومزاحة __________ ___ يم الورد عيني يم الورد يم الورد عيني حطي على القصة ورد ياالله يم الورد يم الورد عيني خدج كما ينضح ورد يالله يم المسك يمسكه عيني يمضمرة مالج بطن ياالله يمعطره يم العطر عيني خدج لمع شبه البدر ياالله او خضبوها من العصر عيني بنت النشامى ام الورد ياالله او حنيوها من العصر عيني او جليوها ام الورد ياالله اولبسوها من العصر عيني وجلسوها ام الورد ياالله اوزينوا حلو الشباب عيني كله اعلى شان ام الورد ياالله نايم مقيل للضحى عيني نايم ايحضن ام الورد ياالله جابوا النفانيف من عصر عيني كله اعلى شان ام الورد ياالله جابوا الجواني من ضحى عيني كله اعلى شان ام الورد ياالله ____ جاز المبارك بينهم جاز المبارك بينهم لافارق الله بينهم عاشوا بعز اوفي هنا اينالون لثنين المنى طول الحياة ابرهدنة متوافقين اثنينهم جاز المبارك بينهم عيشه هنيه ابلا زعل وابلا كدر وابلا ملل طول الدهر شهر العسل الله ورسوله ايعينهم متعاشقين اتحاببوا ساعة يعادة اتقاربوا جاز المبارك بينهم واتحاضنوا واتحاببوا احباب كل سنينهم عندهم بنات ومصبنه ودنياتهم متمدنه واحوالهم في طنطنه في اسنينهم و امنينهم جاز المبارك بينهم ووجوه عدهم تلمع وانوارهم تتشعشع كلمن يبارك يطلع خلوهم بس اثنينهم جاز المبارك بينهم __________ ____ يا سيسبان الحلو يا سيسبان الحلو قلبي حنون عليه واتسحجت من عصر وارمت ابروحها عليه واتعجفت من عصر وارمت ابروحها عليه واتلبست من عصر وارمت ابروحها عليه واتخضبت من عصر وارمت ابروحها عليه وايرمت من عصر وارمت ابروحها عليه واتمكيجت من عصر وارمت ابروحها عليه يا سيسبان الحلو قلبي حنون عليه ياليتني اميمته امشي واسمي عليه ياليتني اخويته امشي ابارك و عليه ياليتني امريته امشي واهمز عليه ياليتني خالته امشي اذاري و عليه ياليتني عمته امشي ولولي عليه ياليتني جدته امشي واجبب عليه يا سيسبان الحلو قلبي حنون عليه قلبي شفوق عليه قلبي عطوف عليه ___________ __ يالهيل بالهيلي يالهيل بالهيلي يا الهيل بالهيلي يامن شعر راسها يسحب الى الذيل نادواالخضابه نادواالخضابه تجي تخضب العروس في اظلم الليل نادوا الحنايه نادوا الحنايه تجي تحني العروس في اظلم الليل نادوا المشاطة نادوا المشاطة تجي تمشط العروس في اظلم الليل نادوا الخياطة نادوا الخياطة اتخيط اثياب العروس في اظلم الليل نادوا الفراشة نادوا الفراشة تفرش فرشة العروس في اظلم الليل نادوا اللباسه نادوا اللباسه تجي اتلبس العروس في اظلم الليل نادوا الطباخة نادوا الطباخة تطبخ ضيفة العروس في اظلم الليل ______________ ___ يا الهيل بالهيله يا الهيل بالهيله على من يقرض الهيله بتنا صغيره ولا تقدر على العيله يا الهيل بالهيله على من يقرض الهيله تقدر اتسافر غبيب الهند في ليله يا الهيل بالهيله على من يقرض الهيله تقدر اتخيط اثياب العرس في ليله يا الهيل بالهيله على من يقرض الهيله تقدر بتفرش فرش العرس في ليله يا الهيل بالهيله على من يقرض الهيله تقدر بتطبخ طبخ العرس في ليله _________ ___ يا معيريس يامعيريس عين الله تراه والقمر والنجوم تمشي وراه يامعيريس الله يحرسه يحفظ عروسه وعمر العرسه جملة احبابه ترى ستويسه والقمر واليجوم تمشي وراه يا معيريس حلوه زفته بالفرح واسرور غاوي ابمشيته كلهم اصحابه تزفه حضرته والقمر والنجوم تمشي وراه الله يهنيه ويبارك له بعد رفرف على الراس يا طير السعد والحضروا احباب ومن كل بلد والقمر والنجوم تمشي وراه عروس نجمه والمعرس بدر الزين للزين والعشره عمر شهر العسل دوم ماهو بس شهر والقمر والنجوم تمشي وراه هذا لمعيريس يا حلو الشاب طابت عروسه والعريس طاب حضرت الاملاك تغني ولحباب والقمر والنجوم تمشي وراه يامعيريس اويا بختي انا لا انا حجيت ولا متميدنه راس مالي قصيده هالغنا والقمر و النجوم تمشي وراه / __________________    
التعديل الأخير تم بواسطة نـــــزّاف ; 07-01-09 الساعة 02:44 PM |
|   |
|
07-01-09, 04:23 PM
| #2 (permalink) |
| الرياض , نبضي وأنفاسي
 | نادواالخضابه نادواالخضابه تجي تخضب العروس في اظلم الليل نادوا الحنايه نادوا الحنايه تجي تحني العروس في اظلم الليل نادوا المشاطة نادوا المشاطة تجي تمشط العروس في اظلم الليل نادوا الخياطة نادوا الخياطة اتخيط اثياب العروس في اظلم الليل نادوا الفراشة نادوا الفراشة تفرش فرشة العروس في اظلم الليل نادوا اللباسه نادوا اللباسه تجي اتلبس العروس في اظلم الليل نادوا الطباخة نادوا الطباخة تطبخ ضيفة العروس في اظلم الليل للماضي شذاه وان كان ساذجا موضوع شيق شكرا أستاذ |
|
| |
|
07-05-09, 03:33 PM
| #6 (permalink) |
| :.. خفيف دمـ وكثيـر همـ .
 | السلام عليكم ورحمة الله وبركاتة __________________
|
|
| |
|
| الكلمات الدلالية (Tags) |
| السلام, الصيف, كتابه |
| الذين يشاهدون محتوى الموضوع الآن : 1 ( الأعضاء 0 والزوار 1) | |
 (View-All)
Members who have read this thread : 15
(Set) | |
| @ صقر الهلال @, ليمونه, دهن عود, سمو المشاعر, شعاع العيد, غردونه, هيبة ملكـ, هَمْسُ آلحَنِينْ |
| أدوات الموضوع | |
| |
.gif "Khafji (139)")
![الصورة الرمزية [جــــوري]](http://www.khafji.net/forums/avatars/13297.gif?dateline=1265021638)
.gif "Khafji (183)")
توقيع 
