| |
| |||||||
| المنتدى العام (تداوين حرة) تداوين الأعضاء الحرة |
 |
 |
| | LinkBack | أدوات الموضوع |
07-09-09, 03:11 PM
| #1 (permalink) |
| ㋡彡 نـاي (ف) ـرح 彡㋡
 |  قـلـبـتـس .. يا بعــد قـلبـــه ..!!
\ تعالي أجلسي هنيّه وزاني أبي أقول لتس عن شي شفته بـ أعياني شي على كثر ما تعجّبت له أمرضني و أعـياني قلبتس يـ الورده هـ المضغه اللي نشوفها مجرّد مضخة للدم ولكن ديننا يقول أنها كل شي إذا صلحت صلح الجسد كله و إذا فسدت فسد الجسد كله أو كما قال عليه أفضل الصلاة و التسليم أسألتس بـ الله تمعــّـنتي بذا الحديث ..؟! يعني تسلمين قلبتس لـ شخص على أبو إنّ لسانه حلو و لاّ شكله وسيم و إنّه قال أحـبتس من دون المخاليق يا زينة البنات ولاّ عشان قلبتس قال أنّه هذا هو فارس أحلامي اللي يستاهل ذا القلب شوفي حولتس و تفكّري بـ أحوال من سلّمت قلبها لـ مخلوق ما قدّر ولا ثمّن قيمة ذا القلب أتعبه و أرهقـه و زوّد عليه الهموم شوفي حالها من عقب ما رجّع قلبها و قال ما أبيه بتلقين أن هـ القلب .. حـُـكم عليه بـ الإعدام صار مستخدم ما عاد يصلح و حتى وإن صلح ماراح ينبض مثل أوّل حتى وهي تشيله بين ضلوعها ماعاد تبيه قلبتس صونيه لا تسلمينه لإي شخص ٍ كان صدقيني تندمين لا تقولين يعني ما أحب ما أعشق زي البنات مافيه واحد يستاهل و أنا أقول فيه بس وش اللي يخليك تضمنين ولاّ جايتس معاه شهادة ضمان مدى الحياة ..؟! أنتِ كلك مليانه عواطف و مشاعر و أحاسيس و نبضات حب و حنّيه وين تفرغينها وين تصرفينها أختاري الطريق الصح عندك ألف طريق و طريق كلها تؤدّي في الأخير إلى حب في الله عمل لوجه الله تخيلي تصرفين قليل من هالحب في طفل صغير و تزرعين عليه إبتسامه و أدخلتي السرور في قلبه الصغير كسبتي صدقه و فرّغتي طاقه في مكان صحيح وبنفس الوقت ينعكس عليك تلقائياً إبتسامة رضا دايم اللي يفعل الصح ينعكس عليه رضا و إنشراحة صدر و العكس صحيح .. الغلط ينعكس على صاحبه ضيقه و ظلام أرجع و أقول قلبتس ثم قلبتس ثم قلبتس لا تقولين هو خطفه .. أنتِ سلّمتيه صدقيني .. فتحتي له أبواب قلبتس ومفاتيحه و قلتي خـذه حلالك أخـذه و صار يلعب فيه مرّه يضحكه و مرّه يجرحه ومرّه يداويه مرّه يتغزّل فيه و عن الغـزل و الشعر و مداعبة الوجدان تعالي أقولتس شي حاجة علّمني فيها الوقت درس قال أنّها حبوب مخدّره لا سمعتيها بـ قلبتس صارت إدمان وكل ما طال الوقت و مرّت الأيام زادت طلباتس عليها تبغين الجرعه تزيد تاكلين منها بـ أذنك و ترتاحين بس كم ساعه و بعدها ترجعين جوعانه تبين المزيد و المسكين مهب قادر يوفّر الكميات المطلوبه يجي يوم و يزهق و يمكن يطلب عليها ضرايب أو يعطيك مغشوش يمشّي حاله معك وإذا ما توفـّـرت ولاّ حسّيتي إنها مغشوشه زاد همـّـتس و أوجاعــتس جاك الخمول و الإرهاق النفسي كرهتي العالم و نفسك رحتي تلحقينه و تطيّحين تحت رجليه تبغينه و تبغين هالمخـدّر و أنتِ ما تدرين عن نفسك و حجــّتك لا صحيتي من السكره هذا هو الحب لازم يكون عـذاب ولاّ ما يكون حب و يتوه عمرتس و تضيع سنينه مالك لا مرسى و لا مينا و المحصّله النهائية عقب كل ذا = صفر و ليته بس صفر لا خسرتي أعظم شي حطّه ربي فيك قلبتس ( قلبك ) خرب و خرب معاه باقــيك كلّه لأنك سلّمتيه لأحد مو في يدك على بالك لا سلّمتيه بـ يصير حلالك لا و ربّي الغالبية و الأغلبيه من يلقى ( قلب قارورة ) يحوسه حوس .. يعلّقه زياده عشان ما يروح لـ غيره وكل ما ضمن هـ التعليقه .. زاد تعذيبه و قام يبدّع في تخريبه إلاّ من رحم ربّي و اللي سلّمت قلبها و رجع لها تعبان أو لا زال قلبها معلّق في زين الشبــّان تقدر تسترجعه و تبدا معه رحلة علاج يمكن تاخذ وقت بس يبغالها عزيمه و إصرار و لجوء للرحيم الرحمن الغفار داوي قلبتس بـ القرآن و الأذكار وصلاة وقت الإسحار هللي و كبّري و أنسي ذاك الطريق اللي كلبه تعب و آلام و فضايح ذا مجروح و ذاك جارح داوي قلبتس بـ مسحة من أمل و قطره من دمعه صادقه توبه نصوح بأنك تقفلين على قلبتس محد يمسـّه داويه بـ صحبة الخير الطيّبه بـ تسامح مع نفسك بـ صبر و قوّة لا يدخل أبليس معك في الخط و يوسوس لك أن العلاج في يده أو يد غيره أبد والله العلاج في يدك أنتِ ولا تحاولين منه الإنتقام لأن الشهامه من طبعك و أنتِ أرجل منه و أشرف أتركيه لواحد ٍ ديــّان .. يجازيه و يحاسبه أبدي صفحه جديدة بـ قلب متجدّد مليان حب و خير و بياض نقاء و طهاره و صفاء ومع الصـبر و صون هـ الأمانه ربي راح يرزقـتس بـ سعادة في قلبتس و نور في وجهـتس و رضا و أمان أخوتس في الله نزاف \ __________________    
|
|    |
|
07-10-09, 07:10 AM
| #6 (permalink) |
| الرياض , نبضي وأنفاسي
 | " الاخلاء بعضهم لبعض عدوا الا المتقين " |
|
| |
|
07-12-09, 02:01 PM
| #8 (permalink) |
| جَرْدُ .. الذّكرَيَاتْ..!
 |
’، سمّه لجوء عاطفي أو إغماءه تنتاب الذات هي مشكلة غالباً ما تقع فيها المرأة لـ يغيب دور عقلها في الحُب فـ تملأ فراغها العاطفي فيه بيد أنّ الحُب يستحيل أن يسد ثغرات العاطفة وإنما ياتي مكملاّ للذات ويرسم حولها عالم متحاب متآلف إجمال الحُب بمسمى الوصل \ إسعاد الآخرين \ الصدقة \ البر والمفترقات كثيرة لـ يكون محل قلوبنا الصلاح والسكون : يستحق ان يكون منشورة توعوية لقربها من الذهن ومرونة قرائتها بوركت نزّاف ’، __________________  ’،  ’،
|
|
| |
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
 (View-All)
Members who have read this thread : 19
(Set) | |
| منقهرة, hatan, دهن عود, صوت الحب, sadking, هَمْسُ آلحَنِينْ, نـ..ــ..ــزف, ونة خفوق |
| أدوات الموضوع | |
| |
![الصورة الرمزية [جــــوري]](http://www.khafji.net/forums/avatars/13297.gif?dateline=1265021638)
