::
السالفة وما فيها كنت جالسة في الباص في أمان الله وأنتظر البنات يكتملون والسواق يجي ونمشي على بيتنا ..
إلا أسمع البنات بالباص يتكلمون يقولون "فلانه طلعت أكيد رايحة تقابل شاب من الشباب اللي تقابلهم" وصاروا يتبعونها بنظرات كره وحقد وبغض .. وحدة تقول "ودي أروح أكسر راسها" .. والثانية تقول "ودي أمسكها وأدبغها" وتتوالى كلمات التهديد لهالبنت اللي مشهورة بالمدرسة بطلعاتها مع الشباب ..
بعد إسبوع وبنفس الوقت كنت جالسة بالباص .. إلا أسمع وحدة تقول وبكل إستهزاء "شفتوا فلانه شفتها اليوم بالصف قاعدة تقرأ بكتاب ديني .. تخيلوا البنت تطوعت"
هنا ما عدت أستحمل هذرة هالبنات .. يعني البنت تابت إنتو وش عليكم منها .. إدعوا لها بالثبات مو تتهزؤن فيها ..
عندنا عقليات غريبة يعني البنت إذا نشأت على باطل تظل على باطل بنظرهم حتى لو تابت ...
البنت حتى بعد توبتها فصلوها .. كان المفروض يعطونها فرصة لأننا كنا على نهاية السنة ..
::